الرئيسيةالبوابةبحـثالتسجيلدخول

شاطر | 
 

 اللى مريض و خايف يموت .. ميدخلش هنا ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المدير العام
المدير العام
المدير العام
avatar

عدد المساهمات : 687
تاريخ التسجيل : 04/04/2010
العمر : 25
الموقع : http://3eshaq.hooxs.com

مُساهمةموضوع: اللى مريض و خايف يموت .. ميدخلش هنا ..   الثلاثاء يوليو 06, 2010 7:11 am

اللى مريض و خايف يموت .. ميدخلش هنا ..


السلام عليكم و رحمة الله و بركاته ..

من الاخر كده .. اللى عندك اى مرض و خايف على روحه ميقراش النكت دى .. علشان انا مش مسئول عن اللى هيجرى هنا .


__________________________________________________ ___________________________________

المرض .. قصدى النكتة الاولى :

كان فى راجل خلف طفل , و لما كبر دخله المدرسة .. و الولد طلع من اوائل الطلبة .. فابوه قاله : اجيبلك ايه هدية نجاحك . الولد قاله : عاوز بينج بونج . فابوه جابله هدية تانية . و فى اعدادى الولد طلع من الاوائل فابوه قاله : اجيبلك ايه هدية نجاحك . الولد قاله : عاوز بينج بونج . فابوه جابله هدية تانية . و فى ثانوى الولد طلع من الاوائل فابوه قاله : اجيبلك ايه هدية نجاحك . الولد قاله : عاوز بينج بونج . فابوه جابله هدية تانية . و فى ثانوى الولد طلع من الاوائل و جاب مجموع عالى جدا فابوه قاله : اجيبلك ايه هدية نجاحك . الولد قاله : عاوز بينج بونج . فابوه جابله هدية تانية . و فى جامعة الولد طلع من الاوائل و خرج بتقدير امتياز . و هو راجع بالشهادة للبيت خبطته عربية و بقى بيموت خلاص فابوه جاله بسرعة و سأله : انا ليه كنت كل ما اسئلك انت عاوز هدية ايه كنت تقولى بينج بونج .. الولد راح باصصله و لسه هيرد ... (مات) .


________________________________________

النكتة التانية :

واحد بخيل ماشى فى الشارع طلعله واحد وقاله : لله يا بيه . قاله : ادخل هنا هتلاقى سبع شوارع سيب الاول و الثانى و الثالث و الرابع و الخامس و السادس و ادخل السابع هتلاقى سبع عمارات سيب الاولى و الثانية و الثالثة و الرابعة و الخامسة و السادسة و ادخل السابعة هتلاقى سبع اسانسيرات سيب الاول و الثانى و الثالث و الرابع و الخامس و السادس و ادخل السابع هتلاقى سبع ادوار سيب الاول و الثانى و الثالث و الرابع و الخامس و السادس و ادخل السابع هتلاقى سبع شقق سيب الاولى و الثانية و الثالثة و الرابعة و الخامسة و السادسة و ادخل السابعة هتلاقى سبع غرف سيب الاولى و الثانية و الثالثة و الرابعة و الخامسة و السادسة و ادخل السابعة هتلاقى سبع
خزن سيب الاولى و الثانية و الثالثة و الرابعة و الخامسة و السادسة و افتح السابعة هتلاقى مصحف هاتهولى احلفلك عليه ان انا معييش فلوس .


______________________________________

النكتة الثالثة :

واحد ماشى فى الشارع لقى ربع جنيه فقال فى نفسه : الربع ده يا إما اشرب بيه عصير يا إما اركب بيه ميكروباص و لو ركبت ميكرباص يا إما الاقى جنبى بنت يا إما الاقى جنبى راجل و لو لاقيت بنت يا إما تطلع حلوة يا إما تطلع و حشة ولو طلعت حلوة يا إما اسيبها يا إما اتجوزها و لو اتجوزتها يا إما هنخلف بنت يا إما هنخلف ولد و لو هنخلف ولد يا إما هيطلع كويس يا إما هيطلع وحش ولو طلع وحش يا إما هيسرقنى يا إما هيقتلنى و لو قتلنى ... لا يا عم انا اشرب عصير احسن .


______________________________________

النكتة الرابعة :

واحد ماشى فى الشارع لقى واحد ماشى و عمال يقشر الموز و يرمي القلب .. فضل وراه لحد ما لقى واحد بياع موز فالرجل اشترى من 2 كيلو موز و قعد يقشر و يرمى ... و بعد كده دخل شركة و قعد ساعتين جوه و بعدين خرج و معاه شنطتين موز و برضه قعد يقشر و يرمى .. فالراجل زهق و قال اروح وراه البيت و اساله .. فراحله البيت و خبط ففتحله الراجل فساله ممكن اعرف انت بترمى الموز ليه .. قاله ممكن تقشر الكيسين الموز دول .. فالراجل قعد يقشر و يرمى و يقشر و يرمى .. و بعد ما خلص قاله ممكن اعرف انت بتعمل كده ليه .. فرد الرجل بمنتهى البرود :
علشان مبحبوش .


______________________________________

النكتة الخامسة :

واحد اسمه بطىء و خطبيته اسمها بطيئة قالها تعالى نخرج على الكورنيش قالتله بابا مش فى البيت قالها ماتخافيش هنرجع بسرعة .. فخرجوا . و هما قاعدين على الكورنيش بطىء اتزانه اختل و وقع فى النيل .. بطيئة جريت على التليفون و لتصلت بابو بطىء و قالتله : بطىء جالى و قالى تعالى نخرج على الكورنيش قلت له بابا مش فى البيت قالى ماتخافيش هنرجع بسرعة .. فخرجنا . و احنا قاعدين على الكورنيش بطىء اتزانه اختل و وقع فى النيل . قالها مليش دعوة اتصلى بامه . فاتصلت بيها و قالتلها : بطىء جالى و قالى تعالى نخرج على الكورنيش قلت له بابا مش فى البيت قالى ماتخافيش هنرجع بسرعة .. فخرجنا . و احنا قاعدين على الكورنيش بطىء اتزانه اختل و وقع فى النيل
. قالتلها : ماليش دعوة اتصلى بعمه . فاتصلت بعمه و قالتله : بطىء جالى و قالى تعالى نخرج على الكورنيش قلت له بابا مش فى البيت قالى ماتخافيش هنرجع بسرعة .. فخرجنا . و احنا قاعدين على الكورنيش بطىء اتزانه اختل و وقع فى النيل . قالها : ماليش دعوة اتصلى بعمته . فاتصلت بعمته و قالتلها : بطىء جالى و قالى تعالى نخرج على الكورنيش قلت له بابا مش فى البيت قالى ماتخافيش هنرجع بسرعة .. فخرجنا . و احنا قاعدين على الكورنيش بطىء اتزانه اختل و وقع فى النيل . قالتلها . اتصلى بالاسعاف . فاتصلت بالاسعاف و قالتلهم : بطىء جالى و قالى تعالى نخرج على الكورنيش قلت له بابا مش فى البيت قالى ماتخافيش هنرجع بسرعة .. فخرجنا . و احنا قاعدين على الكورنيش بطىء اتزانه اختل و وقع فى النيل .. قالوا لها : احنا جيين ... بعد نص ساعة الاسعاف وصلت ... لقوا بطىء لسه بيقع .

_____________________________________

النكتة السادسة :

واحدة عندها ولدين واحد اسم تؤ و التانى اسمه تؤتؤ كل لما تنادى تؤ يجيلها تؤتؤ و كل لما تنادى تؤتؤ يجيلها تؤ .. اخر ما زهقت راحت للقاضى قالتله : انا عندى ولدين واحد اسم تؤ و التانى اسمه تؤتؤ كل لما انادى تؤ يجيلى تؤتؤ و كل لما انادى تؤتؤ يجيلى تؤ . قالها هاتيهوملى . فجابتهم . قالها اندهى عليهم . فندهت على تؤ فجالها تؤ , و ندهت على تؤتؤ فجالها تؤتؤ . فاستعجبت جدا جدا و قالتلهم لما انت عارفين كدة كنتم بتعملوا كده ليه .. قلولها ببراءة الاطفال : معلش يا ماما .. كنا بنهزر معاكى .

_____________________________________

اتمنى يكون الموضوع عجبكم .
الرجوع الى أعلى الصفحة اذهب الى الأسفل
http://3eshaq.hooxs.com
pretty girl
نائب المدير
نائب المدير
avatar

عدد المساهمات : 325
تاريخ التسجيل : 31/05/2010
العمر : 22
الموقع : مصر

مُساهمةموضوع: رد: اللى مريض و خايف يموت .. ميدخلش هنا ..   الأربعاء يوليو 07, 2010 4:33 pm

يسلموووووو
الرجوع الى أعلى الصفحة اذهب الى الأسفل
http://swalfbanotat.alafdal.net
 
اللى مريض و خايف يموت .. ميدخلش هنا ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم الترفيهي :: فرفشه-
انتقل الى: